曾于电视台教授烹饪多年嘅方太 方任利莎 周末生日，日前家人为佢预祝紧接嘅农历与新历生辰，相中可见方太虽已年届90有多，不过招牌笑容依旧，仲同家人一齐外出提前庆祝生日，非常精神。
虽然年前曾因血液感染而需入院廿多日，不过方太康复后精神十足，由幼女阿宝代为管理嘅社交平台专页，亦不时更新方太近况，好似呢日就写道近日为妈妈预祝生日嘅情况喇。
「为咗准备庆祝方太呢个周末嘅生日（周六系农历，周日系西历，喜上加喜啊！）今日我地去咗整头发。整完头发我同妈咪去食饭，方太称赞外籍服务员靓女，外籍服务员亦回敬话方太好优雅。我话俾服务员听，妈咪呢个周末就95啦！服务员听咗非常惊讶，大赞方太精神同埋时髦」
「吃完晚饭，我地叫咗雪糕做甜品。等咗一段时间都唔见雪糕嘅影踪，催促下佢哋话好快好快。转头雪糕上台，原来为方太准备咗生日甜点！哇！好开心好惊喜！」
方太早年于友台长年主持烹饪节目而为人熟悉，年前佢亦曾现身TVB接受访问
而日前阿宝又公开方太手挽一名小鲜肉嘅背面图片，更指今日已成为新晋男演员，而经过几日之后阿宝就正式开估，呢位小鲜肉就系近年参与过唔少影视作品嘅 朱鉴然 ，原来朱仔一家同方家系家族朋友，方太自细就睇住朱仔长大喇。
