公屋单位 | 女儿私下购私楼婆婆不知情被房署查出迫迁

一名男网民日前在网上讨论区「连登」以「最近做义工探访一个独居老人，原来佢畀房署迫迁，要2个月内搬离公屋」为题发文，表示「打击富户我明白，但问题人哋系咪富户先」。

房屋署要求2月搬走

事主透露一名年约65至70岁的婆婆，一家7口居住大窝口邨一个约300呎单位数十年，3名子女先后搬走，丈夫离世后，只剩一名女儿同住，惟女儿「情绪异常」，与婆婆关系「势成水火」，不但没有赡养和照顾婆婆，她作为单位登记人之一，去年初更私下买楼，却没有通知婆婆，结果被房屋署查出，要求婆婆在2月底搬离单位。

单位充斥物品惹床虱

事主称明白房屋署要打击富户滥用公屋，但强调婆婆对女儿买楼并不知情，「畀自己个衰女包过一戙」，而且时间紧迫，应先安排公屋衔接才要求婆婆搬离单位，或是保留原有单位，「若无法保留原单位，都系咪应该换番一个单人公屋畀婆婆？点解冇啦啦就踢人走？要老人家重新排期？排到几时先？时间紧迫，2月底就要搬走，面对屋内30几年嘅物品，部分囤积物品，同阿女购物狂引致海量衣物，有床虱，不闻不问，我都唔知老人家可以点清空」。

网民不同情：规矩系咁

帖文曝光后，不少网民却不同情婆婆的处境，甚至质疑有虚假陈述之嫌，「首先有潜在虚假陈述嘅问题，如果家庭成员申报过冇其他物业嘅话，个个畀人发现咗就话自己几惨几惨，咁咩楼都唔使收啦。第二，阿婆唔知道个女有物业，只系畀人过一戙，同法官讲啰睇吓佢信唔信，分分钟阿婆有份畀首期」、「规矩系咁，都系无法，个个都话唔知都搞唔掂，不过一般嚟讲都好少会搞老人」、「个女买咗楼唔使坐都赚咗啦，仲想要留住间屋，一个人住300几呎，用嚟摆咁多衫，畀你重新排期仲想点」、「净系睇到惨嘅一面，就可怜佢，可唔可以客观啲呀。就算大陆人滥用公屋，都应该一单还一单啩」。

面对网民质疑，事主回应自己只是「义工」，帮手执屋和灭虫，不是社工，不知道对方身家，但形容婆婆生活十分简朴，没有「卖惨」，只是对婆婆的故事感到「心悒」，才在网上发文求助，「我次次上去都系见到佢食白粥，然后人哋送嘅汤包、冬菇，都系咁塞畀我，自己都唔舍得食，走去送畀人𠮶啲人。系今次得知呢单嘢有啲心悒OK？佢个女私下买物业，都系话呢间屋唔合符资格，但佢老人家本身系合符资格，冇啦啦赶人走，30几年嘅嘢搬得去边度」。

事主续说，已上过该单位5、6次，强调婆婆没有「瞒报」，「我fact check过我先想帮吓（婆婆）」。他又指已代婆婆向区议员求助。