【公屋/单位/上楼/轮候】一名32岁男网民在Facebook群组「公屋讨论区」中发文，表示一家4口本身居住㓥房，早前首派葵青丽瑶邨2楼单位，拒绝后近日获二派荃湾梨木树二邨5座22楼顶楼旧式单位。
日前男事主一家到屋邨视察，他形容住处交通和购物方便，单位座向偏东北，面积为410呎，格局大、通风，除了要行1层楼梯「真系冇嘢投诉」，他和2名子女都甚为满意。然而本身有皮肤问题的全职家庭主妇妻子就担心居住顶层会太热，他遂询问网民：
「问隔篱邻舍夏天系会热少少，未至于太过分，系行1层同太热呢吓要考虑。请问夏天会热得好夸张吗？还是博三派？我太太皮肤问题怕热，得老婆喺度十五十六，不过太太始终多数系佢（喺）屋企，只能等佢自己考虑，都要尊重吓佢，始终佢最多时间喺屋企做全职太太。」
/public/article/content/202503/886f453a-f4ea-42b3-9b6e-a37c5f6d28e5.png)
网民：等三派 VS 难得有咁大空间
帖文曝光后，不少网民建议事主等三派，「顶楼有冇䢂？冇就唔要啦！」、「系我会等三派，所有家私要搬1层，所有速递送上门要加1层楼梯钱，电费贵，人总有脚会唔方便爬楼梯的时候，譬如老咗，唔系个个老咗都爬到楼梯，这么近那么远我自己试过，身体有事时，明明眼睇几步的距离，但身体唔允许就系唔允许，行唔到就系行唔到。当然要谂吓如果三派再差啲，自己能否接受？希望你一切如愿啦！」、「那一座，如旧式的（如第1、2、3座）那类顶层比较热，不过气木树空气，到了中秋会很凉、环境很好」。
但都有网民认为问题不大，「我都系住顶楼，我都冇装冷气，夏天都OK呀！初时搬入去前都担心会好热，现在已住了7年！」、「可以派到咁大单位，交通又方便，真系可以好好考虑，因为单位咁大可以住得好舒适」、「4百几呎要啦，热就开冷气、风扇，难得有咁大空间，值得再考虑」。
【延伸阅读】
公屋轮候 | 一家4口首派葵青公屋 校网景观佳终一个原因拒绝