一向甚少有放盘嘅南丫岛，系唔少人周末度假嘅胜地，有部份人更加希望喺度置业，直接喺度住日日度假Feel。最近南丫岛榕树湾出现一个拍卖盘，建筑面积350，内装企理，拍卖开价只系138万，值得睇睇！
今次拍卖物业来自忠诚集团于12月17日嘅拍卖单位，位于南丫岛榕树湾大坪106号地下1号单位。单位嘅间隔方正，同好多村屋一样，门前有一块小空地，用来晒衫、BBQ等乜都等，穿过空地就可以进入客厅。
据拍卖行嘅相片睇到，客厅以水泥地、白色墙作为设计主调，加上现时使用嘅木系家私，令室内环境充满度假风。不过，单位由于建筑面积只有350平方呎，所以室内空间唔多，可以话一眼睇晒，经过玻璃门左边就系饭厅，右边系开放式厨房；再走入几步，左边深处系梳化及睡眠区，而右边就系浴室，拉开浴室嘅「巴士门」，就会见到浴室采用企缸设计。
整体而言，据相片环境认为单位嘅状态良好，天花墙身无石屎剥落，只系有少量使用痕迹。单位喺今次嘅拍卖开价138万，开价比同区以往类近物业嘅成交价，大概有6折左右。
📍 物业地点：南丫岛榕树湾大坪106号 地下1号单位
🏘️ 物业面积：350平方呎（建筑面积）
📏 平均呎价：$3,943港元 （建筑面积）
💰 拍卖开价：138万港元
📅 拍卖日期：12月17日（星期三）下午3时
✍🏻 物业编号：25121703
🔑 拍卖地点：中环德辅道中84-86号章记大厦３楼Ａ室
延伸阅读
大埔宏福苑五级火｜按揭专家指火险赔偿足抵按揭欠款 未供完楼灾民应无须继续供楼