一间拥有53年楼龄嘅物业，实用面积只得220平方呎，但叫价去到255万，一啲都唔平，究竟佢嘅吸引力系咩？
由拍卖行「环亚物业」于下月3日推出嘅其中一个拍卖盘，位于港岛西湾河街嘅长兴大楼顶层连天台单位。大厦本身于1973年入伙，距离至今已经有53年历史。虽然年纪大，但室内装修一啲都唔残，亦都正正系呢个单位嘅吸引之处。
单位嘅室内面积达220平方呎，本身系属于梗房单位。同时楼契仲包括埋一个约164平方呎嘅天台空间。上手业主于2020年10月，以338万购入单位。当时香港楼市正值升势，但业主都可以令前业主2万元蚀让，当然系有佢嘅原因，估计当时物业嘅状态太差，需要全屋大翻新，所以未能喺转售时获利。
上手业主买入时，已经将全间屋重新装修，房间间隔统统打通，客厅同主人房以一个到顶嘅柜去分隔，而客厅嘅另一边系开厨及浴室，而地板、大门都换过，换上电子门锁，所以全屋都唔觉有陈旧嘅感觉。
单位座向西南面，望向西湾河街一带嘅楼景。房间窗口向西北，由于附近都系旧楼、甚至系已拆卸嘅地盘，所以房间嘅景观会较好。另外，天台空间亦都进行过修葺，周围换上木制围栏，感觉简约。
今次拍卖单位嘅起始价为255万港元，虽然唔算平，计落如果以呢个价成交，平均呎价都要HK$11,591，但唔需要重新装修已经悭一笔，又或者可以变相当做「贵楼价连装修」放入按揭去供款，所以对于一班既无钱装修旧楼，又无钱直接买新楼嘅朋友，有一定嘅吸引力。
长兴大楼20字楼A室连天台
📍 物业地点：西湾河街110号
🏘️ 物业面积：220平方呎+164平方呎天台
📏 平均呎价：$11,591港元
💰 拍卖开价：255万港元
📅 拍卖日期：3月3日（星期三）下午3时
✍🏻 物业编号：00019209
🔑 拍卖地点：尖沙咀弥敦道222号恒丰酒店2楼宴会厅
延伸阅读
租置计划重推有望？预计市价二折上车 何永贤：研未来10年供应29万单位 即睇全港39条租置屋邨名单