有片｜元朗中年汉爆粗大闹台式饮品店　疑要胶袋不肯加$1　职员态度获赞

本地零售饮食业「好客之道」的广告深入民心，一句「做多一步，好客之道」令大众印象深刻，但有些市民却将服务自己视为「老奉」！日前元朗一间台式饮品店，有客人爆粗大闹职员，疑因要胶袋却不肯加$1。片段其后在网上广传。

中年汉爆粗大闹台式饮品店

日前元朗有中年汉爆粗大闹一间台式饮品店。周日（5月4日），有网民在社交平台上，发布了一段长约两分钟的影片，并写道，「买嘢要袋加一蚊，唔想畀就喺度嘈闹人唔畀袋佢。闹咗好耐，我见唔对路就由舖头走出去帮手拍低，万一有需要可以做证。咁耐都冇secure（保安）嚟，我就一路拍一路大声叫人揾secure（保安），全场嘅人都喺度食花生，叫咗几次先见个secure（保安）喺老炼咁远打紧电话，但完全冇人出现过帮手」。

店员冷静应对爆粗中年汉

该段影片中，中年汉不停以粗口指闹店员，「你系咪想玩嘢呀？你有无尊重过我？系咪唔卖畀我？唔X得呀？X你老X，你以为我系咩呀」。

面对中年汉爆粗大闹，店员却冷静回应，「我无玩嘢，我净系想问你要乜嘢，净系想知你要咩之后收钱」。其后，中年汉指「可以报警」时，店员又回应：「咁又唔使！」。而拍片者亦不时高呼找商场保安来处理事件。其后影片结束。

影片截图：

网民大赞职员态度EQ高

影片片段在网上传开后，不少网民认为大叔欺人太甚，又称赞店员EQ高，「其实店员入返铺头𥚃面做野，唔理佢便可。」、「𠮶1蚊政府要收㗎，上去政府总部嘈啦笨。」、「肯买杯$3x蚊嘅嘢饮，但系唔肯俾$1胶袋」、「嘉许情绪稳定的店务员」、「有时真系唔明白点解人会为咗1-2蚊而咁鬼劳气」、「部分包装系气密，所以系合法收$1，同麦记唔同，但好多人唔知政府其实唔会向商户收返个啲钱」、「年轻人冷静应对，望住背心汉果种谷住条气劲唔顺想爆想爆就觉得身心舒畅。」、「人地都系打份工啫，间舖头又唔系佢开」、「阿后生仔可以企喺度俾佢闹都几坚，Eq高」、「香港真系多衰客，琴晚系某餐厅都见个衰客系度为难店员」、「香港人真系压力好x大，随时随地都可以爆得」、「感觉上店员嘅eq都几好」、「咁激动，佢心脏顶唔顶得住架？」、「要人尊重你唔该你尊重下自己先，系人都会老唔系老就大晒，人地可以体谅你老但唔系奉旨应份」、「前线真系好惨，政府将责任推晒俾前线，由安心出行到胶袋征费，俾人闹嘅都系前线，收钱嘅都系政府」、「其实胶袋征费都实行咗好多年啦，个阿叔啱啱先放返出嚟？」、「唔肯俾$1买袋，即系唔听政府话」、「真心为果个收银员惨啰，一个胶袋姐，说到人地有心为难佢」。

$1胶袋征费仅部分豁免

环保署将于2022年12月31日起实施新的胶袋征费计划，届时每个塑胶购物袋的收费将从现时的$0.5提高至最低$1。除了提高收费，新措施还收紧了豁免范围。

根据环保署的资料，最新的胶袋征费优化措施包括：

• 每个塑胶购物袋的收费由现时最低$0.5提高至最低$1。
• 取消现时对盛载冰冻／冷冻食品的塑胶购物袋（包括平头胶袋）的豁免。

3种可获豁免的情况：

1. 没有包装的食品（如无包装的面包）。
2. 并非完全载于任何包装的食品（如包装未有完全覆盖的面包或水果）。
3. 以非气密包装的餐饮外卖时（如茶餐厅外卖、纸杯装外卖餐饮）。

在以上3种情况下，才可免费提供塑胶购物袋，并以每单一交易一个免费袋为基本原则

相关新闻：

有片｜日本城职员与客人爆口角网片疯传　网民力撑一方大赞EQ高！

有片｜万宁分店客人欲换货惟单据无效　爆粗大闹职员网片疯传

有片｜港的士司机疑嫌车程太短赶内地客落车 爆粗闹「你报警啊!」