港铁虽然对乘客携带物品的尺寸有明确限制，但偶尔仍有「漏网之鱼」出现。近日有网民拍摄到一名乘客疑似搬运床褥登上港铁列车，画面曝光后引发热议，不少人揶揄港铁「运货车」，笑言「乜都搬得上车」。
湾仔站乘客抬床褥入车厢
有网民周日（9月14日）在社交平台群组上载相片及发文，写道「今日湾仔站见到奇境...想知有无见过比床褥更大嘅物件？」。相片中所见，地点应为港铁港岛线车厢内，一名乘客将床褥抬入车厢，床褥尺寸甚大，高度直逼天花，床褥亦套住两张床单。
网民：入到闸呢下先劲
不少网民看完照片后，都奇怪如何将床褥运入车厢，亦有人指他视港铁附例如无物，「迟啲应该会有人用地铁出殡」、「唔expect真系有床」、「AI生成图?」、「平时推架单车都即时有人追住閙，咁大既床褥又无人理」、「佢系好彩职员见唔到」、「早两日见到有个男人拎住碌大概150左右嘅伸缩杆比人截停咗，有个伯伯拎住一个长条形嘅纸盒又比人截咗」、「依家既地铁职员唔系做正事」、「学生带着古筝进不了地铁，但双人床褥可以。」、「可怜想当年分别有学生带古筝/大提琴都唔俾入闸」、「学生带乐器就好似杀人放火咁」、「当年桌球代表队有人带支cue棍都要罚」、「啲职员扮睇唔到??」、「咁都入到闸，小黄人平时捉呢d唔系好叻嘅咩」、「点解港铁咁都可以俾佢入闸？搬𠮶个仲离普，call架货van都冇钱，一世俾人睇唔起！」、「点入到去架？港铁越嚟越离谱」、「下次见到应该系拉手掣去叫下个站职员处理」、「职员真系好癈，咁大件系唔可以上车㗎㖞，上次我见有人喺车厢食电子烟都冇人理」、「仲笠住张床单 几爱干净」、「有咩事，地铁真系好应该负最大既责任」、「咁都搭到……就快棺材，灵柩，独木舟，电单车都上地铁」、「乜咁大件物体可以入到车站大堂范围！？职员冇睇实个CCTV！？」、「首先系点入闸口？」、「职员都冇阻止，即冇问题」。