坐的士务求「点对点」能快捷方便回家，但有人不幸遇上「坏司机」，全程车都不能放松。网上有乘客指，日前乘坐的士时，司机竟然单手揸駄全程倾电话讲股票，惹起一众网民讨论。
的士司机单手揸駄全程倾电话讲股票
近日网上流传短片，有乘客指其乘坐的的士，司机单手揸駄，甚至全程倾电话讲股票，非常不专心，「司机大哥 成程都冇停过倾股票 单手揸駄系咁漂过隔离线 叫佢小心啲都继续系咁。
该乘客又在帖文中表示无从投诉，「佢又冇show 编号同名，有冇人知道可以点样投诉。」
网民列3点吁报警
事件引起网民讨论，有人列3点呼吁报警，「1没有展示司机证，2
不出示收据，3行驶期间持手提电话，唔知入唔入佢不小心驾驶」；另有网民指乘客要做3件事保障自己，「你第日见到无的士证唔好上，第一 可能架车系偷番黎、第二 无牌营业 第三者保险唔知保唔保、第三 黑工营业 车你去老远再打劫。小小心得 保障自己！」
此外，另有不少网民形容司机是行业的害群之马，认为他影响全个的士业，「拎收据」、「你可以落车嘅时候原地999，佢无show证已经抄得$450」、「搭到175蚊，大客来㖞，咁唔X俾面」、「到目的地，停车，你唔落。报警，叫佢唔好走」、「影车牌要影埋乘客位格离呢个牌，手写无X用，落车再影」、「同佢讲：司机大佬，我有两只内幕股送比你。一只1823，另一只999」、「报定警喺落车点等」、「10年前又系机场返屋企，个的士司机有几部电话不停帮手call台接客，行青马大桥行唔到直线，临出市区顶唔顺叫佢专心开车，倒转俾佢话，我妈经此一疫都怕咗佢哋」、「我前几个月坐过去机场嘅通宵的士，车头有8部电话、司机位旁边仲有一部，全程接单，只眼一路望住电话，我同佢讲叫佢专心揸车，佢话佢揸咗几十年好有经验，我一路捉住条安全带，真系超惊吓，以后都唔会坐呢啲通宵的士，我情愿坐尾班机场巴士入机场等。」、「有片有车牌告得，一系去差馆报案，一系用警察电子报案个app报，唔好放过呢啲XX，迟早害死人」、「记低车牌、时间，拍咗片，佢无show司机证已经违法，驾驶期间手持电话已经有排告！」、「网上有简易报案，可试下，交通规例应该都管埋既⋯」、「黑的黎㖞 ，名牌都冇」、「同佢讲车你去最近嘅警署」、「坐得的士就预咗揾命搏。」、「下次Whatsapp 报警」。
