myTV SUPER推出「《封神榜》極速版」，立即快速重溫：《封神榜》極速版
無論係魔童咁樣嘅哪吒，定係姜子牙神仙打交戰火連天，你都可以喺呢套TVB嘅《封神榜》裡面搵得到！劇集主演嘅包括陳浩民、葉璇、苑瓊丹、錢嘉樂、元華、湯盈盈、溫碧霞，真粒粒巨星！
TVB拍《封神榜》時為2001年，2001年即係大家仲用緊摺機嘅年代，iPhone都要隔多六年先橫空降世，可想而知當年嘅科技發展唔可以同今日比較。但就算係咁，依家睇返《封神榜》好多特技鏡頭一啲都唔失禮，從最重要哪吒口噴三昧真火到佢遇到滿天神佛同妖精鬼怪，當年製作真係一啲都唔馬虎。
依家個個都講哪吒，咁大家又知唔知究竟哪吒係點嚟？中國民間傳說對哪吒嘅身世有好多唔同講法，一般話佢原本係女媧娘娘座下嘅護法童子，而喺動畫哪吒就係元始天尊將混元珠提煉成靈珠同魔丸，最後魔丸孕育成哪吒。喺TVB《封神榜》裡面，哪吒前世就係火德星君，職責係保護天壽山嘅神祿，每日吹吹簫飲飲茶，日子過得好自在！
話明《封神榜》就梗係滿天神佛，除咗陳浩民飾演哪吒，一眾神仙大佛以至妖魔鬼怪都好重要，劇中有好多配角都好搶眼，其中不得不提就梗係由湯盈盈飾演嘅柳琵琶，就係呢個壞女人搞到李靖（元華）想休咗殷十娘（苑瓊丹）；另外鄭子誠飾演嘅昏君紂王，大家除咗知道有鄭子誠嘅地方一定有陰謀之外，仲可以喺《封神榜》裡面見識到鄭子誠嘅荒淫無度！另外仲有錢嘉樂飾演嘅楊戩、葉璇飾演嘅楊蓮花，全部都係經典角色。
myTV SUPER為大家特別推出「封神榜極速版」全70集已經上架短片專區！加上精讀旁白製成「懶人包追劇法」，睇過同未睇過都啱追！經典返埋嚟！快閃快重溫！
👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻
立即免費追睇：《封神榜》極速版