譚輝智爆太太不愛腹肌 個唱力邀忠粉拉姑上台合唱

譚輝智呢日去影樓Chok晒樣影相，係為咗月底舉行嘅首個個人演唱會影宣傳海報，攝影師仲會後期加工，將佢個樣Key落去六舊腹肌嘅大隻佬身上。從未試過有六舊腹肌嘅輝智，以前試過想操大隻，但試咗一排就放棄，因為唔知為乜。

輝智又指太太鍾意肥嗰啲，佢就大賣關子唔肯講究竟而家有冇腹肌，叫大家入場睇咪知。成為《中聲2》賽後首位開個人騷嘅唱將，輝智當初收到消息都唔敢相信，質疑自己有冇能力同體能肩負成個騷咁多首歌，佢又話自己從來冇諗過會開個唱。

出道短短時間就收穫咗拉姑呢位忠粉，輝智就話拉姑已經知此事，佢仲即場喺鏡頭前邀請拉姑上台唱歌，如果拉姑肯唱，佢仲畀拉姑唱夠10首。