神耆小子丨鄭則士遭「戴綠帽」演技嚇親蕭正楠 冼靖峰緊張演出晚晚檢討

溫情喜劇《神耆小子》呢個禮拜啱啱首播，觀眾反應熱烈，鄭則士（Kent）、樊亦敏（Amy）、傅嘉莉（Kelly）、曹永廉、冼靖峰（Archie）同羅毓儀（Yuki）等現身商場為劇集造勢，仲為五位五月之星慶生。

劇集除咗對白精警，神級演技嘅Kent哥喺一幕懷疑自己戴綠帽嘅劇情，更被捕捉到一分鐘有三種情緒，Kent哥笑言要睇重播，謙虛話只係跟住個角色情緒發展去做。Amy見到當時同Kent哥做對手戲嘅蕭正楠嚇驚，所以證明Kent哥帶到對手入戲。Amy又話除咗Kent哥露點，佢都有露少少，希望大家唔好投訴。Kent哥喺劇中大嗌被非禮一幕，Amy話成家忍唔住爆笑。

被Kent哥叫仙女嘅Kelly，喺劇中18歲學生妹造型曝光，Kelly話當初收到劇本仲以為由其他演員出演講佢同阿蕭談情戲份，點知監製要求佢同阿蕭親身演出。Kelly拍攝當日有尷尬，因為要着啲好青春嘅衫同校服，身邊嘅阿廉話都唔覺得有咩問題，只係相差30年。

Archie同Yuki有好緊張睇番自己演出作自我檢討，Archie話首集播出前就一早坐喺電視前等睇，睇完之後佢覺得自己有幾個反應做得唔係太好，同時覺得係幾好嘅檢討方法。Yuki透露佢哋會喺劇中合唱《難得有情人》。

另外，男團LOONG 9嚟梗10號會現身上海出席活動，成員之一嘅Archie就話唔會上海出席，但係而家籌備當中，稍後可能6月初會喺香港有見面會，但詳情仍有待公布。