電影泉攻略丨《猿人爭霸戰：猩凶帝國》顛覆想像 人類退化成猿人獵物丨EP102

王鎮泉 Jeoffrey  每星期為你提供最熱辣電影資訊，中外猛片專訪花絮上映時間全部集齊。「電影泉攻略」每周四買定爆谷陪你睇新戲。 

劉俊謙喺《九龍城寨之圍城》飾演嘅信一憑「靚仔」造型爆紅，掀起一股起底熱潮，劉俊謙嚟緊仲有另一新片《我在這裡等你》緊接上映，夥拍同「撞樣」嘅范少勳一齊演出，二人喺現實中更變成好兄弟！

本周新片速遞有《雪豹》講一隻雪豹闖入牧民羊圈，咬死咗九隻羊，牧民父子對於點樣處置雪豹爭持不下，大仔堅持要打死佢，父親就執意放生呢隻瀕危動物，人稱「雪豹喇嘛」嘅細仔得知此事，帶傳媒前往採訪，引發信仰、法律等多角度嘅衝突與爭執。

《調教你女友》講建築界鉅子馬明與狂熱環保份子嘅女大學生艾莉亞打賭同居試愛七日，馬明可以用任何方法打動艾莉亞，如果冇令對方愛上佢，馬明就認輸，代價係放棄鏟平森林，擱置興建巨塔；《猿人爭霸戰：猩凶帝國》故事發生講猿人主角凱撒去世後300年嘅地球，猿人已崛起並統治地球，而人類就退化至原始狀態，甚至喪失說話能力，成為猿人嘅獵物。

今個星期嘅票房截至5月8號中午，第三位係《特技狂人》，而第二位係《機動戰士高達SEED FREEDOM》，票房冠軍係《九龍城寨之圍城》。