乃哥城城節目播足18年 預先籌備20周年旅行慶祝

徐乃麟 同 曾國城 兩位台灣綜藝大哥主持嘅節目，已經播出18年，呢日佢哋台前幕後就舉行慶祝會，仲期望再繼續播出，乃哥同城城仲話，已經開始準備20周年慶祝活動，而一眾靚女主持聽到有機會周年旅行，仲即時齊齊多謝大家長乃哥，不知幾合拍呀。

炎亞綸 受桃色醜聞困擾而事業停擺，而日前乃哥就Post出兩人合照，仲大讚對方氣息唔錯，佢亦話每個人都要勇於承擔同面對自己，對每一個人都會正面鼓勵。而公眾人物一定會被外界放大檢視，所以每一個人都要對自己行為負責。

至於 黃子佼 事件，一直支持佢嘅圈中前輩 張小燕 而遭牽連被大為批評，乃哥就認為個人行為應由本人承擔，城城就覺得小燕姐係受池魚之殃，唔應該抹煞對方多年來為演藝界嘅付出。