與林峯主演電影破四千萬票房 古天樂有意開拍前傳稱戲中有伏線

與林峯主演電影破四千萬票房 古天樂有意開拍前傳稱戲中有伏線

古天樂、林峯、任賢齊、劉俊謙等主演嘅電影《九龍城寨之圍城》,上映12日衝破4000萬票房,榮登2024年度中西影片票房冠軍。

《九龍城寨之圍城》團隊出席謝票場。

電影主創團隊監製莊澄、葉偉信、導演鄭保瑞,古天樂、任賢齊、林峯、劉俊謙、伍允龍、胡子彤、張文傑、喬靖夫、張松枝同王尹菁(魚蛋妹),11號就齊齊現身戲院出席「特別感謝場」答謝觀眾支持。截至11號下午5點,電影已錄得534,202人次入場,成為2024年入場人次冠軍。
林峯、古天樂。
團隊同晚亦舉行答謝宴,回饋台前幕後的努力付出。古天樂透露《九龍城寨》嘅小說故事篇幅長,唔可以喺一齣戲講完成個故事,佢話會視乎整體票房理想,有意考慮開拍前傳,仲話會比今次打得更甘、演員更鼎盛,古仔又話前傳會有感情線,佢仲話其實如果大家有留意嘅,可能就會發現已經有伏線。至於任賢齊即笑住為自己爭取:「如果有前傳,我要多些頭髮,或會否造一個新髮型。」
票房破4000萬喇!
喺戲中飾演魚蛋妹嘅王尹菁深得觀眾喜愛,呢次佢聯同團隊與觀眾見面,菁菁表示好高興可以入到九龍城寨嘅搭景拍攝,佢又話因為喺片場入面林峯係最照顧佢嘅大哥哥,又成日同佢傾偈,所以呢日再見到林峯令佢好開心。
國民老公劉俊謙。
而由於今日係母親節,林峯、伍允龍、胡子彤同張文傑就一齊拍片祝賀各位偉大嘅媽媽母親節快樂。

魚蛋妹王尹菁成為團寵。

 相關推薦

熱門搜尋