劉德華闊別6年香港演唱會12月開騷 傾力打造視聽盛宴 再創舞台經典

天王劉德華闊別6年，強勢重踏紅館舞台！劉德華《今天...is the Day》巡迴演唱會，今日（13號）宣布巡唱香港站將於2024年12月舉行，歌迷翹首以待，再次見證華仔以經典金曲及挑戰自我嘅表演，為觀眾締造紅館視聽盛宴！
華仔兌現當年承諾，宣布將在2024年12月的黃金檔期，再次與歌迷相會於紅館。

華仔於六年前講過「積極面對未來，期待下一次台上相見」，華仔終於兌現當年承諾，宣布將喺2024年12月黃金檔期，再次與歌迷相會於紅館，每一次華仔紅館演唱會都係一場經典，每一次引起全球華人熱話，這次更係華仔喺紅館舉行第10次個人演唱會，別具非凡意義！華仔帶領下，觀眾將再次沉醉於一首首經典金曲，與一幕幕精彩舞台表演之中，共同創造另一個紅館傳奇畫面！
這次更是華仔在紅館舉行的第十次個人演唱會，別具非凡意義！

巡迴演唱會將於7月喺上海正式揭開序幕，緊接廣州、北京、南京、杭州、深圳、成都及重慶內地八大城市。完成內地站演出後，旋即繼續巡演之旅，包括澳門站、新加坡站、吉隆坡站及台北站，壓軸演出將回香港紅館舞台！主辦方指香港站具體場次日期及開售詳情稍後公佈。