家族榮耀之繼承者｜余詩曼角色強悍霸氣逼人 獅子吼惡鬥羅嘉良羅子溢父子

佘詩曼、林峯、羅子溢、羅嘉良、許紹雄、黃浩然、陳靜、梁靖琪、陳瀅、王敏奕等以及由梁家樹總監製嘅重頭劇《家族榮耀之繼承者》，喺5月13日登場。
內地官網上周發布首條宣傳視頻後，引發內地網民熱切期待，之前憑《新聞女王》熱爆內地嘅佘詩曼，喺劇中角色丘皓兒嘅座右銘「凡事既做就要做到底，做到最好」，更成為內地網民金科玉律。

梁家樹總監製嘅重頭劇《家族榮耀之繼承者》，喺5月13日登場。

今日內地官網喺劇集開播前再度推出強熱宣傳，公布10張「人物＋王座」系列海報，包括佘詩曼、林峯、羅子溢、羅嘉良、許紹雄、黃浩然、陳靜、梁靖琪、陳瀅、王敏奕，10位主角背後嘅王座，不同象徵動物或標誌，暗藏信息。

今日內地官網喺劇集開播前再度推出強熱宣傳，公布10張「人物＋王座」系列海報。

女主角佘詩曼嘅角色丘皓兒，背後王座標誌係獅子，象徵天生充滿自信嘅領導者，有敏銳度去贏取別人歡心及崇拜，盡顯角色霸氣同能力。至於同阿佘惡鬥嘅丘氏父子丘智斌（羅子溢飾）及丘守義（羅嘉良飾），背後王座標誌係不同形態嘅狼，狼嘅能力直逼獅子，同樣有領導力及觸覺敏銳、有智慧兼頑強不屈，最特別之處係狩獵方式多採取接力式窮追不捨同集體圍攻，與丘氏父子對付阿佘嘅手段不謀而合。

10位主角背後嘅王座，不同象徵動物或標誌，暗藏信息。

陳靜飾演嘅朱麗琪、陳瀅飾演嘅丘芷彤，以及黃浩然飾演嘅趙啟邦，三人嘅象徵標誌分別為狐狸、正義女神及公鹿，角色性格顯而易見。至於梁靖琪（Toby）飾演嘅丘芷嵐標誌住「群蛇亂舞」，直接釋出佢喺劇中奸角嘅重要信息。而飾演律師高浚林峯，背後王座標誌天秤兩邊嘅秤子喺照片中沒有完整顯示出來，暗示角色藏有秘密一面。

丘守義（羅嘉良飾）背後王座標誌係不同形態嘅狼，狼嘅能力直逼獅子，同樣有領導力及觸覺敏銳、有智慧兼頑強不屈。

為配合宣傳，部份主演亦喺微博公開配合主題嘅角色台辭，阿佘：「誰說家族繼承人的首選一定要是男人？我丘皓兒想做的事就一定要做到！」林峯：「無論何時，我都會用自己的方式守護皓兒！」羅子溢：「身為丘家唯一的男孫，繼承人之位舍我其誰？」羅嘉良：「身為丘氏集團的副主席，我要帶丘氏更上一層樓！」黃浩然：「我始終相信，我才是最終能守護皓兒，給她幸福的人。」單睇留言已經充滿熱度，想知會發生咩鬥爭就要留意劇集。
今晚首播的《家族榮耀之繼承者》，優酷微博雙端預約人數破200萬，優酷史來港劇預約TOP1。

背後王座各有特色標誌凸顯角色性格。

《家族榮耀之繼承者》5月13日，起逢周一至五晚上八點半翡翠台播映