陳健安新歌MV為愛成魔 精心打造妖怪造型學對打

唱作歌手陳健安（安仔）新歌《戀愛腦之死》，由同佢合作無間嘅賴映彤共同作曲及監製，並邀請填詞人Oscar兼擔任MV導演。安仔喺MV為爭奪心愛女孩，不惜化成妖怪，更上演激烈打鬥戲，上演神魔大戰。
 
唱作歌手陳健安新歌《戀愛腦之死》，由同佢合作無間嘅賴映彤共同作曲及監製。

MV女主角由許月湘擔任，呢次亦係二人繼《惡夢經》後再度合作。湘湘就話：「相對上次MV，今次同安仔有好多對手戲，仲為咗我嘅角色瞓身演出。」安仔隨即向鏡頭展示沾滿污泥嘅手臂，同大家講：「呢啲唔係妝嚟㗎，真係泥，係我趴落地整到咁。」另外，佢地拍攝深情對望同擁抱鏡頭時，一開始不停爆笑，結果搞到要導演「下令」佢地深呼吸，冷靜落黎先可以繼續，非常搞笑。
 
安仔要面對嘅另一項挑戰就係首次喺鏡頭前打交！所以拍攝前，佢都要跟武術指導學習對打動作以及妖怪嘅肢體形態。

安仔喺MV嘅妖怪造型非常吸睛，身上鱗片以至每道傷痕均由特技化妝師精心打造，而額頭上嘅角更加要倒模度身訂造：「隻角係3D打印出嚟，個底要有個座。事先要去倒模攞額頭嘅孤度，先會整得貼服同靚。」而且安仔仲要配戴17mm超大直俓隱形眼鏡，對佢黎講完全係一大挑戰！但估唔到原本仲有一對更大，完全睇唔到眼白。令安仔都話：「依家呢對已經好難戴，戴咗十幾分鐘，流晒眼淚，唔慣同好驚。結果都戴到，效果仲幾好，可以減齡。」
 
安仔透露自己本身想好似妖怪咁行，點知出到嚟似喪屍多啲。

至於安仔要面對嘅另一項挑戰就係首次喺鏡頭前打交！所以拍攝前，佢都要跟武術指導學習對打動作以及妖怪嘅肢體形態。安仔透露自己本身想好似妖怪咁行，點知出到嚟似喪屍多啲。
 
MV女主角由許月湘擔任，呢次亦係二人繼《惡夢經》後再度合作。

而安仔嘅其中一位武指亦有親身上陣，飾演MV中嘅重要角色「大天使」。拍攝當日天氣炎熱，「大天使」要全程蒙面演出兼拍攝打戲，令安仔深感佩服，大讚對方非常專業：「今日30幾度，佢要包晒全身，真係好熱、好辛苦。」不過佢地兩位喺對打期間亦發生左小意外，安仔不慎被對方手上嘅珠鏈打到左眼，好在並無大礙。順利完成拍攝。為慰勞一眾台前幕後，安仔更萬歲請食糖水，全場拍手歡呼。
安仔嘅其中一位武指亦有親身上陣，飾演MV中嘅重要角色「大天使」。