魏嘉信全家出動賣旗做善事 自爆非浪漫主義感激太太體諒

中一生魏嘉信嘅Fans Club成立一周年，嘉信呢日約埋家人同粉絲一齊出動去中環碼頭賣旗做善事，原來嘉信係處男下海第一次賣旗，佢話今次特登帶小朋友出嚟體驗，仲機會教育佢哋，唔使介意途人買或唔買，只要做好自己本份就得。

活動喺母親節前夕舉行，嘉信特登準備咗好多玫瑰花送畀粉絲，太太當然都有份喇！不過嘉信就話自己已過咗行浪漫主義嘅年紀，尤其成家立室之後，最重要就係要努力工作照顧好家庭，而佢好感恩娶咗個勤儉持家嘅好太太。

下個月中一生將會再開演唱會，嘉信期待之餘，不忘搞搞新意思，佢話由於大家想有啲surprise，所以大家都唔知各人嘅表演內容，現階段正秘密籌備中，希望到時畀到大家驚喜。