家族榮耀之繼承者｜羅家良被指嚴重衰老屬劇組計劃 踢爆愛兒陷害阿佘冷笑超陰險

《家族榮耀之繼承者》近日首播嘅後瞬即引發唔少熱議，其中一個討論焦點係飾演 丘守義 嘅 羅嘉良 被部份觀眾指「斷崖式衰老」。已屆61歲嘅「撈家」，喺劇中被指比真實年齡已75 歲；劇中扮演佢哥哥丘守仁嘅 許紹雄 蒼老，令觀眾都非常好奇「到底發生了甚麼事」。

劇集《家族榮耀之繼承者》總監製梁家樹受訪時就公開當中原因，指撈家「衰老」其實係劇組精心打造嘅效果，目的係令觀眾洗走對撈家嘅既有印象，梁家樹話：「呢個係我哋特登設計，其實第一集入面，許紹雄嘅角色都講得好清楚，守義呢個細佬因為太過醉心打拼事業，又多嘢煩，所以望落比哥哥仲要老。」

撈家嘅衰老扮相，其實係劇組悉心設計嘅效果

為咗令撈家睇落比真實年齡更成熟，梁家樹同劇組花咗唔少心思：「除咗幫佢加咗白頭髮同埋少少紋，仲特登幫撈家設計咗一個成熟又有說服力嘅髮型。呢個髮型由開始打造嗰刻，我就全程望到實一實，要整到啱我心水為止，哈哈。今次大家話撈家老咗好多，就證明個設計成功咗。」

佢仲話撈家劇中髮型，係參考某政治人物以增加威嚴感；不過對於真身係邊個，佢就大賣關子未公開喇。撈家日前現身北京參與劇集宣傳活動時，確實比角色年輕唔券，唔止皮光肉滑，更重現昔日「小生」味、完全未見老態。

近日佢到北京宣傳，就可見真實面貌同角色有好大出入喇

星期二晚播出嘅一集，撈家亦一展三屆視帝嘅功力。集劇情講述丘智斌( 羅子溢 飾)為阻撓皓兒( 佘詩曼 飾)成為集團代主席，竟打算賄賂爺爺丘瀚洋( 劉江 飾)嘅醫生Dr.顧，誣衊受皓兒指示為委託書做假見證；經皓兒同高浚( 林峯 飾)連番調查，終發現Dr.顧有可疑，可惜千鈞一髮之際，Dr.顧遇上嚴重車禍致失憶，令皓兒被調查一事被逼擱置…

羅子溢設局陷害阿佘被爸爸發現，仲兩句已經問出事件真相

另一邊廂，守義以機智盤問技巧，踢爆智斌就係皓兒被屈涉賄事件幕後黑手一幕亦相當精彩，守義責備智斌衝動報警時，技巧嘅一句：「即係你根本冇辦法煮死皓兒」，成功令智斌鬼拍後尾枕講出背後目的。

而眼見兒子上釣，守義先係笑著踢爆智斌：「你冇諗過煮死佢？咁即係件事係你安排啦？」雖然全程臉上不缺笑意，但就非常有壓迫感，嚇到智斌完全唔識反應。之後守義再神速遊走於冷笑同激動之間責備智斌，又手指指拋出一句： 「你點解咁冇腦嘅呢？！」最後更警告智斌處理後續時要打醒十二分精神，又非常嚴肅話：「如果唔係，你Daddy都幫唔到你。」

阿佘陷入同撈家子溢嘅公司爭奪戰當中

呢集亦係「佘峯CP」首度於新劇同框，劇中飾演舊情人嘅佢哋，全集交流相當有心思，阿佘短短幾場戲已表現出撒嬌、撒野、威脅、質疑、責備、坐立不安、不甘心、愛之深恨之切等唔同層次情緒，而無論邊一種情緒，佢同林峯之間嘅交流都可以話「火花四濺」，難怪已觀眾封為最愛CP。

幸得林峯一直從旁協助

《家族榮耀之繼承者》逢星期一至五晚 20:30 翡翠台