新田遇交通意外阻搵真銀 李龍基親回應勸交非涉事

早前同未婚妻多次高調曬愛嘅 李龍基 ，近月已經因為未婚妻還押而公開拒絕再回應對方情況。重投工作密密搵錢嘅基哥，近日風頭雖然被《東張西望》嘅 何伯 同 新何太 蓋過，不過網上有傳佢日前曾同何伯喺屯門飲茶，星期三仲有人指佢於新田發生交通意外，幾乎再成為新聞人物喇。

網上有片段指，今日基哥於新田一個停車場疑發生交通意外，記者隨即向佢查詢，基哥就回應指當時自己係由停車場離開，發現有兩部車各不相讓而導致擠塞，自己因趕時間而落車向雙方勤阻，經調解後其中一名司機讓步，唯倒車褪車時就不慎撞到後車，令本已有望解決嘅事件需報警處理。

基哥強調自己只係勸交，並無涉及意外，不過呢次輕微意外就導致佢原定往澳門嘅工作行程受阻，曾過原定搭乘嘅渡輪，需改搭另一班船赴澳開工喇。