炎明熹拍攝音樂特輯 與李爾晨拍浪漫場口感緊張

炎明熹 呢日同 李爾晨 喺西貢為音樂特輯《戀上西沙》拍攝拍拖浪漫場口，見佢哋兩個拖手仔行街街，充滿住初戀嘅浪漫感覺，雖然拍攝畫面好靚，但係Kyle就似乎好有壓力，佢話好擔心Gigi嘅Fans會呷醋呀。

但真係埋位嗰陣，都無得諗咁多，只好盡力做好，而Gigi一樣話自己好緊張，Kyle話佢同Gigi都非常慢熱，但有信心可以順利完成拍攝呀。唔講唔知，Gigi同Kyle係同一間大學嘅師兄妹，有共同話題之餘，拍拍下都越嚟越熟，Gigi更教Kyle跳舞添。除咗拍拖戲份之外，Gigi仲要拍攝上船出海嘅場口，咁啱天公造美，拍出嚟嘅效果都好好呀，不過Gigi話自己其實好少同陽光玩遊戲，而自己亦都唔擅長水上運動，所以呢日都算係一個好難得嘅體驗呀。