第77屆康城影展丨溫碧霞宣傳黑色幽默電影 新作談討愛情親情生死觀

國際影壇盛事《第77屆康城影展》進行得如火如荼，嚟自世界各地嘅電影人都雲集當地，溫碧霞亦應影展邀請，現身當地宣傳主演嘅新作《謊島美人魚》，以白色喱士露肩長裙現身紅地氈嘅Irene，講到今次出席影展心情好開心：「呢個地方好靚，感到好relax、好享受，又可以睇到好多法國電影，同好多電影人交流，識咗好多新朋友，成個旅程都好難忘。」除此之外，最開心係可以喺康城同唔少好友見面。

溫碧霞應影展邀請，現身當地宣傳主演嘅新作《謊島美人魚》。

Irene指新作會令好多觀眾有所驚喜，因為好耐冇拍呢類黑色幽默愛情電影，佢亦向唔少電影人推介，指新作除咗黑色幽默，亦包含親情同愛情，講述女人同男人之間嘅年齡反差：「一對情侶點解會因為年齡介意同對方一齊，其實愛一個人係咪可以只愛對方，而唔好諗太多。呢個故仔有好多啟發，除咗親情同愛情，亦表達到生離死别，自己都深受感動。」
溫碧霞以白色喱士露肩長裙現身紅地氈。溫碧霞最開心係可以喺康城同唔少好友見面。Irene指新作會令好多觀眾有所驚喜，因為好耐冇拍呢類黑色幽默愛情電影，佢亦向唔少電影人推介。