朱千雪一索得男 網上公佈已平安誕子

2019年同青梅竹馬好友 吳昆倫 結婚嘅 朱千雪 報喜，宣佈已誕下同老公首個愛情結晶品，於社交平台公開BB嘅腳仔相，恭喜恭喜！

千雪2012年參加香港小姐獲得季軍，之後隨即加入TVB拍攝唔同劇集同主持節目，期間仲停工修讀法律碩士同博士學位，令呢位當年被唔少觀眾視為「民選港姐」嘅佢成為 「Master朱」，之後佢逐漸減少幕前工作，轉往法律界發展，近年成為Law霸女神之餘同時更兼任大學講師。

結婚近5年嘅佢，同醫生丈夫今年元旦日宣佈懷孕，早前同一眾好姊妹開Party慶祝時，仲率先公佈BB性別。