馬德鐘新加坡登台孖3視帝相聚話題不絕 張景淳肚腩乍現努力斷食瘦身

馬德鐘、陳山聰、郭政鴻、張景淳等呢日現身一個醫療中心開幕活動，馬德鐘早前跟家燕姐、黎耀祥、羅嘉良及陳展鵬去新加坡登台，佢開心稱似親友聚會，眾人相聚話題不絕，更投入睇騷差啲忘記出場。

山聰及政鴻呢日出動舞獅隊，佢哋開心有機會集合志同道合嘅朋友，每年會慶都相聚聯誼；同場嘅張景淳早前被生意拍檔羅天宇爆肚腩乍現，張景淳透露呢排要斷食瘦身，要為上鏡準備，以免出鏡唔小心凸肚 !