樊亦敏與小鮮肉扮斬纜約鄭則士重回邂逅地 冧唱《甜蜜蜜》自認造型驚嚇

Rose姐樊亦敏喺劇集《神耆小子》與小鮮肉Jack扮斬纜，令老闆「大海」鄭則士（Kent哥）誤以為二人分手，大海念舊情選擇原諒玫瑰，更約Rose姐重回初次邂逅嘅舞廳，Rose姐化身歌女深情唱《甜蜜蜜》，勾起二人浪漫回憶。

樊亦敏受訪時笑指造型有啲驚嚇，讚Kent哥咁都頂得順，Kent哥笑稱現實生活甚少踏足歌廳，今次嚟到呢個咁懷舊嘅場景，完全被現場氣氛感染；講到樊亦敏另一場戲喺歌廳被酒客調戲，多得大海英雄救美，令二人結緣，樊亦敏稱浪漫體驗係不分年齡。