黃家駒墓碑遭惡意破壞 墓碑照片被打爛塗污

樂隊Beyond已故主音 黃家駒 位於將軍澳華人永遠墳場嘅墓碑，喺19號被一名自稱係「社會破壞者」嘅男子惡意破壞，該男子先以汽水淋向家駒嘅墓碑，而喺淋汽水其間又舐家駒碑上嘅照片，之後再口咬地上嘅祭品。

淋完汽水後，該男子再以箱頭筆塗污家駒碑上嘅照片同結他石碑，更踢走擺喺地上嘅鮮花。做完一系列不敬行為後，該男子再以鐵錘打爛家駒嘅照片，而整個過程更由其同伴全程以手機影低並上載到社交平台。

影片喺網上火速傳播，據知涉事兩人已被捕。而Beyond成員葉世榮知道此事後，就喺社交平台上嬲爆表示：「今天發生在家駒墳墓的事情實在可惡，這2個人已經被逮捕，必須受到法律的制裁，家駒在天之靈也不會放過他們！ ！ ！  ​​​」