早前同老公 馮德倫 過咗浪漫48歲生日嘅 舒淇 ，呢日精神奕奕叉爆電，現身北京出席活動，舒淇以一條簡約Deep V黑色長裙上陣，散發女神風範，舒淇有一年幾未有新戲推出，佢呢日都預告就快有新作品：「特別的開心很久沒有和大家見面，最近剛在泰國拍完一部戲，希望可以儘快和大家見面。」
同場現身活動嘅仲有周雨彤、童瑤、秦昊等，最近童瑤同張新成合作嘅新劇剛開播，播出後收獲唔少好評，被視為年度懸疑劇黑馬，之前喺劇集《三十而已》飾演幹練人妻嘅童瑤，佢知性形象深入民心，而新劇佢嘅角色好有挑戰：「因為我是第一次接觸這類懸疑類型的題材，然後它是一個羅生門的故事，講的是從不同人的視角切換到案件，每一場戲在尺度上的拿捏都反覆去研究。」
