芷珊約您丨許志安細場開騷感觸落男兒淚 奪「最受歡迎男歌星」曾被勝利蒙蔽：起晒槓

黎芷珊主持《芷珊約您》噚晚（19號）播出第5集嘉賓係許志安（安仔），芷珊直擊佢去年 12 月底喺澳門舉行嘅巡迴演唱會，2019年經歷人生低潮嘅安仔，曾一度短暫退出演藝圈，直到2022年9月舉行網 上音樂復出樂壇，去年舉辦多地巡唱，相隔7年再次舉行個人演唱會。

昨晚第五集嘉賓係安仔。 直擊安仔健身，爆肌又爆汗！

出道約38年嘅安仔，喺樂壇歷盡高低起跌，承認心態上有好大轉變，以前在意舞台機械及效果，而家一切猶如回到最初，企喺只容納3千名觀眾嘅舞台，反而唱得更有信心，公演當日，安仔獲三十幾名親戚現身支持，佢指以往僅於農曆新年先齊人聚首一 堂，難怪安仔好感觸，一落台即攬住芷珊流下男兒淚：「今次有種無形壓力， 對我嚟講係意義重大嘅一日，屋企人好耐冇睇我上台唱歌。我對嚟講內心係最震撼，好珍惜喺台上面每一首仲有機會唱嘅歌。」安仔透露人生第一次喺紅館開騷，一度緊張至呼吸有困難。

安仔去年12月底於澳門舉行的巡迴演唱會。安仔於 1986 年參加新秀歌唱大賽。

安仔喺訪問多次提及「初心」，感受到佢對唱歌熱誠猶如初入行，享受喺寧靜環境聽自己唱歌之餘，重拾對彈鋼琴及結他嘅樂趣。節目紀錄安仔綵排及公演嘅片段，連做健身爆汗過程全程直擊，藉此分享獨自做運動令佢鍛鍊到「堅持」。

入行冇耐就同梅姐合唱《將冰山劈開》。《勁歌》總選，同梅姐表演嗰個唔係安仔，而係草蜢！安仔坦言有唔開心，仲係人生第一個打擊。安仔於 2001 年首奪最受歡迎男歌星獎。

安仔於1986年參加新秀歌唱大賽冇耐，就同天后梅艷芳合唱《將冰山劈開》， 佢不但向芷珊透露MV並非與梅姐一齊拍攝，當年歌曲入圍《勁歌》總選，表演卻係梅姐與組合草蜢，坦承成為其人生第一個打擊：「可能唔識喺台上表演， 嗰時係有唔開心。」入行15年後，安仔終於喺2001年《十大勁歌金曲頒獎典禮》 首奪最受歡迎男歌星獎，領獎時激動落淚，對住台下鄭秀文發表「廚房愛的宣言」，安仔透露當時早已準備一套華麗戰衣，但因「收錯風」以為自己冇獎攞，最終換回一套舊衫；安仔坦言得獎後曾被勝利蒙蔽自己，因為怕失去，經常放大自己：「起晒槓唔知自己為乜，可能嗰時做到壓力好大。又唔輸得，未得獎反而冇呢種感覺。」壓力持續至二、三年後，「最受歡迎男歌星」不再係許志安，佢先鬆一口氣。

歌迷追隨安仔多年！安仔獲三十幾位親戚嚟到會場睇騷支持。

芷珊與安仔相識二十載，見證好友成長，指安仔整個人變得更踏實，直言香港樂壇沒了他會可惜：「許志安值得一個機會，大家重新認識佢。」每集嘉賓均向芷珊分享一個小秘密，安仔透露佢「夾硬」將領養嘅貓咪，生日日期設為8月12號，與安仔生日同日：「第一次帶佢睇醫生，醫生問幾大，我估計三個幾禮拜，推斷8月中，所以夾硬話佢聽8月12日，獸醫覺得好奇怪你咁清楚，明明係領養！」

與安仔相識二十載的芷珊，見證著好友成長，指安仔整個人轉變不少。安仔落台後攬住芷珊感觸落淚！

《芷珊約您》逢周日晚上 9 點半翡翠台播映