羅毓儀迎28歲後援會辦派對預祝 生日盼大家身體健康預告出小清新新歌

近日扮演經典動漫人物 小忌廉 嘅 羅毓儀 星期四就踏入28歲，呢日佢就提早同一班Fans預早慶祝生日，大家一早就將現場好好佈置，又準備唔少應援物，令Yuki非常開心，佢仲為大家現場獻唱《我係小忍廉》等歌曲。

Yuki一身日式高中生打扮出現，佢仲話今年Fans出席人數比去年更多，所以更加開心，又大讚一眾Fans細心又貼心呀。

佢又話希望自己同大家都身體健康，病毒遠離，而因為童顏經常扮演細妹同學生嘅佢，近日《神耆小子》就升呢做大學生，打扮亦突顯佢女性韻味，即將推出新一首派台歌曲嘅Yuki，仲話新歌係小清新感覺，同過往搖滾風有啲唔同呀。