陳淑芬入行半世紀紀念覽應各方要求宣布延長展期

陳太陳淑芬為紀念入行五十周年，早前特意將半世紀見證演藝行業嘅物品公諸同好，喺澳門舉行紀念展，活動吸引市民參觀外，更獲胡楓、姜大衞、李琳琳、狄波拉同龍婷等捧場。阿姐同陳潔靈以及關菊英見到當年製作嘅唱片，都非常驚喜。

陳太於澳門舉辦嘅入行50年回顧展，展期將延至6月底

而曾參演音樂劇《雪狼湖》同《風雲創意音樂劇》嘅陳松伶、于毅、謝天華、鄭丹瑞、呂良偉、譚耀文同黎耀祥，見到展品都勾起昔日同團隊合力演出嘅種種畫面，謝天華仲喺《雪狼湖》海報上搵到當年嘅簽名。同陳太相識多年嘅國際巨星 Paul Anka，更喺巡演期間抽空親臨澳門。