溫碧霞康城宣傳偷閒度假Shopping 認識海外製作人有機演泰國動作片

溫碧霞 早前飛到法國出席康城影展，宣傳佢主演嘅電影《謊島美人魚》，而完成連串工作之後，Irene亦偷閒喺當地到處遊覽、購物同品嚐向種美食，更專程到各景點、海邊同餐廳打卡駐顏有術嘅Irene一如既往露出白滑香肩同美腿影靚相。

Irene於法國街頭巧遇新作嘅海報，即刻合照留念

Irene仲無意中喺當地店舖驚見《謊島美人魚》嘅電影海報，仲第一時間合照留念。呢次法國之行除咗認識咗鄭保瑞導演，亦結識咗多位國際製作人，令佢非常開心：「我好欣賞鄭保瑞導演，睇過佢嘅《智齒》、《命案》、《九龍城寨之圍城》。佢拍得好好，好希望有機會同佢合作。今次我都識咗幾位荷里活、泰國同外國製作人，佢哋籌備緊一套動作電影，有個角色想搵我演出，呢部戲係荷里活同泰國合作，不過仲係初步傾，依家睇緊劇本。」

宣傳結束後佢亦偷閒於當地周圍打卡放鬆

而喺當地嘅最後一日，Irene就爭取時間瘋狂shopping：「法國啲嘢真係好靚，我一向好鍾意佢哋本地設計師，買咗好多靚衫，好開心。」

此行仲認識咗幾位外地製作人，仲初步討論合作拍片嘅可能性呀