5月21號係李婉華嘅正日生日,原本應該開開心心咁慶祝,點知佢喺社交平台上載咗一張喺醫院嘅自拍照,表示自己生日要喺急症室渡過!李婉華喺社交平台表示自己生日正日喺急症室渡過。
李婉華喺帖文中表示,由於囝囝疑似食物中毒,所以就送咗佢去急症室,喺診斷後先發現囝囝患上腸病毒。因為急症室有唔少求診人士,所以李婉華喺急症室一等就等咗7、8 個鐘,佢喺帖文中寫道:「今日急症室下午已經非常擠擁,幾乎坐滿,沒有坐位,任何年齡的求診人士都有。今日急症室的場面墟冚,流程相當緩慢,加拿大的醫療系統有很多改善空間。在生日的今天遇上急症室,又讓我好好思考人生。」李婉華與一對孖仔及女兒。
李婉華除咗感謝大家嘅生日祝福之餘,佢仲喺帖文內表示:「真心感謝各位的生日祝福!今日是我正日生日,已經有好多年沒有計算自己幾多歲,都係數字嚟嘅啫!最緊要心境一年比一年後生!」李婉華囡囡Natalie喺IG貼出同媽媽嘅合照賀對方生日。
而李婉華嘅囡囡Natalie 亦喺IG貼出同媽媽嘅合照賀對方生日,Natalie以英文喺帖文中表示:「It’s my fabulous moms birthday!!!🥳 If you didn’t know, she is a super cool and awesome YouTuber 」佢仲貼出李婉華嘅IG同YouTube Channel名,叫大家subscribe佢嚟做生日祝福呀!李婉華囡囡Natalie喺IG貼出同媽媽嘅合照賀對方生日。
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img__header_superlogo.png)
![myTV SUPER myTV SUPER](/tc/scoopplus/img/icon__header_gosuper.png)