香港婚後事丨姚子羚以黃昏形容情感狀態 陳自瑤直認感情踏入子時

姚子羚 喺嚟緊呢集《香港婚後事》擔任嘉賓，佢同 黎諾懿 相識於微時，傾起愛情同婚姻等事都份外深入，諾懿先叫大家用一日其中一個時段形容自己嘅感情狀態，單身多年嘅子羚就好大方去講「好似日落，好似好sad(傷感)，但我又好鍾意日落嘅氛圍。」身為主持之一嘅 陳自瑤 就話係子時，可以係一日嘅結束，又可以視作一日之始。

身處營地傾談感情話題，子羚感覺好似一班朋友傾偈咁輕鬆，不過佢話成個過程諾懿都冇講到自己嘅情史，要搵機會再傾。單身嘅子羚唔急於搵另一半，因為佢知道太急進反而未必遇到啱嘅人，佢又分享自己對生兒育女嘅睇法。另外一眾主持同子羚亦大談伴侶年齡差距大同異地戀嘅睇法，子羚亦有講到自己曾經試過姊弟戀同異地戀。