顏志恒全家出動現身歌迷會周年 台上爆喊感激Fans全力支持

顏志恒 呢日為佢嘅歌迷會一周年活動，帶埋家人同一眾Fans一齊慶祝，雖然過往一年大量嘅表演機會令Benson嘅歌藝有增無減，不過眼淺呢方面似乎仲有唔少進步空間，因為呢日一上台就爆喊到幾乎連歌都唱唔到喇。

Benson話歌迷無論地點同天氣，去到邊演出都會喺台下為自己打氣支持，所以非常感動，仲話一定要繼續努力去唱好每一次演出呀。

6月底一班中一生就會再次展開演唱會，可惜日前嘅記者會，Benson兩個囝囝都因為唔舒服入院，令佢喺現場都心不在焉。經過一年樂壇洗禮，同時兼顧正職同歌手兩個身份嘅佢，亦努力為家庭同小朋友抽時間相處，仲認為親子時間係首要咁話呀。