鄭秀文以泰國班底炮製破格MV 與40位舞者共年場面震撼

鄭秀文Sammi 將於7月舉行一連十三場紅館演唱會，佢嘅新歌《心魔》MV亦於近日正式上架。呢次Sammi專程飛到泰國進行拍攝，亦係佢首次到當地拍MV，而導演Kero、拍攝團隊、40位舞者以及排舞師都係泰國最頂尖陣容，加上分別喺舊式劇院同郊外校園取景，令MV意境更昇華！
Sammi今次以泰國班底打造新歌MV。
Sammi亦表示呢趟泰國之行非常值得：「整個拍攝我覺得非常值得，團隊專業，處理畫面、意境，歌詞裏面最深入嘅靈魂，我覺得係拍到呢首歌嘅靈魂，呢一點相當重要，我自己一路拍攝，某啲鏡頭我甚至會起雞皮，Dancers唔只係跳舞，佢哋身體嘅率動，都好多情緒喺入面，絕對幫我呢首歌畫面處理到真係極緻嘅狀態。」
 MV中多個造型都令人驚艷。
Sammi呢次行程相當緊密，抵達當地後就要立刻返酒店試造型，第二日朝早就要開始拍攝。呢次Sammi亦有唔少獨特造型，其中一件大褸因為重量十足令Sammi舉步難行，另外身上嘅紋身貼紙要花唔少時間進行剪貼。而拍攝日當地氣溫高達36度，Sammi一直喺悶熱嘅外景拍到凌晨一點先收工，亦因為要喺開騷前保持最佳狀態而戒口，無緣品嚐當地美食。雖然過程辛苦，但Sammi就覺得一切都好值得，尤其同四十位泰國Dancers共舞嘅畫面，充分地表達到歌曲意境同主題。
 MV中多個造型都令人驚艷。
至於講到最難忘嘅時刻同造型，Sammi就話：「每一個時刻、每一個場境我都好鍾意，導演處理每個場口和細節，燈光和意境都好唔一樣，再加上我為咗呢個MV做咗好多造型，營造氣氛，完全揀唔到，每一個場景我都未拍過，就連類似都未試過，所以感覺好新鮮。」
Sammi與40位舞者共舞，場面震撼。Sammi與40位舞者共舞，場面震撼。