家族榮耀之繼承者丨被余安安報警告發疑下毒手 陳靜怒摑對方洩心頭憤

《家族榮耀之繼承者》23號晚播出一集，講述丘氏集團遇債券風暴，丘守義（羅嘉良飾）同智斌（羅子溢飾）要喺極短時間內籌集70億作為新加坡賭場第二期保證金，結果傾盡資產仲欠30億現金，最終丘皓兒（佘詩曼飾）出手解決問題。

Apple以黑歷史向丘家大少奶Niki勒索鉅款。Apple以黑歷史向丘家大少奶Niki勒索鉅款。

另外，一直遭Apple（劉芷希飾）以黑歷史勒索鉅款嘅丘家大少奶Niki（陳靜飾），呢集再遭Apple勒索500萬，由於Niki唔肯妥協，Apple轉為向Niki死對頭、丘家二少奶戴綺婷（余安安飾）埋手。最終Apple離奇墮樓身亡。
見Niki唔肯答應。Apple就向綺婷埋手。

而24號晚劇情，Niki因婍婷報寸被帶到警署問話，返到屋企後佢哋發生激烈衝突，Niki唔只怒摑綺婷，仲當眾向「死唔認錯」嘅綺婷潑橙汁。同安安姐「激戰」連場，Dada直認緊張：「會擔心影響到對手，但安安姐好專業，我哋事前有充足溝通，佢同我分享咗好多經驗，同埋叫我要放心，話最緊要出嚟效果好。」
Apple離奇墮樓身亡。丘家二少奶戴綺婷指控Niki下毒手。
講到飾演貪得無厭Apple嘅馬來西亞籍演員Kimmy，近年已返回馬來西亞繼承父親中藥批發生意，仲兼任營養師同模特兒導師，問到今次點鮮會接演《繼承者》，Kimmy話咁啱今次劇集喺馬來西亞取景，對佢嚟講別具意義。曾因事業問題影響情緒增磅唔少，今次再演幕前，佢都做足準備：「因為自己都好耐冇拍劇，所以一來要好努力咁做功課，不斷錄低自己練習時嘅表情加以fine tune，另外都有好努力減肥。第一、二集都覺得自己塊臉好圓，後尾拍拍吓漸入佳境，都好開心。」

《家族榮耀之繼承者》逢星期一至五 20:30 翡翠台
Niki發爛。Niki怒摑綺婷。仲潑佢橙汁。飾演Apple嘅係馬來西亞籍演員Kimmy。