神耆小子丨鄭則士含淚教仔觸動人心 蕭正楠傅嘉莉復合深情吻

劇集《神耆小子》噚晚（23號）講到錢萬世集團推出嘅特別版牛肉乾大受歡迎，但原來係繼來（曹永廉飾）醉酒下意外改咗配方所致，懦弱嘅佢唔敢向爸爸大海（鄭則士飾）坦白；到佢鼓起勇氣下跪向大海認錯時，就發現有顧客投訴產品導致食物敏感。
顧客投訴產品導致食物敏感。兩父子為此而起爭執。

父子爆發激烈罵戰，繼來明言願意承擔一切後果，平時刻意收起父愛嘅大海即含着淚對繼來講：「係呀，你應該唔怕死，因為你仲後生，跌低咗可以從頭嚟過，所以你瀟灑，你望吓錢大海吖，佢老喇，你唔幫佢，佢撐唔起錢萬世㗎！呢個招牌係佢同老婆一生心血，佢唔想衰收尾，第日見到老婆佢抬唔起頭，可憐吓佢，幫吓佢！」
Kent哥呢幕含淚教仔戲令人動容。Kent哥呢幕含淚教仔戲令人動容。
Kent哥呢幕含淚教仔劇情，盡現對兒子愛之深責之切嘅感覺，亦流露出老無所依嘅無助，演技觸動人心。另外，子勇（蕭正楠飾）同有方（傅嘉莉飾）喺裴正堂做防風準備期間，終於解開心結表達愛意，最終舊情復熾嚟個情深一吻。
蕭正楠同傅嘉莉呢對亦終於解開心結，舊情復熾嚟個情深一吻。
噚晚劇情另一焦點就係小鮮肉Jack（吳子冲飾）喺打風期間上玫瑰（樊亦敏飾）屋企，點知大海突然嚟咗，嚇得Jack爬窗落荒而逃。半裸上陣拍呢場走佬戲嘅子冲，除咗爆肌身材吸睛，狼狽走佬個樣同樣過癮！子冲話呢幕走佬戲拍足四天：「拍嘅時候係夏天，拍外景淋雨戲冇問題，但拍廠嘅時候就好凍，一邊淋水再加冷氣。」
呢集仲有子冲騷肌。
子冲又話難忘幕後同事嘅「特別」照顧：「拍外景嘅時候，幕後同事玩水玩得好開心，為咗想我演繹出難堪嘅感覺，所以佢哋keep住射我塊面，佢哋見我愈難堪就愈開心。

《神耆小子》逢星期一至五 21:30 翡翠台播映

呢集仲有子冲騷肌。