《香港婚後事》丨李丞責爆太太管財政 自言可能比太太走先

《香港婚後事》節目主持陳自瑤、賴慰玲、黎諾懿同羅天宇今晚（24號）搵嚟李丞責師傅擔任最後一集嘉賓，丞丞師傅除咗係玄學大師，原來仲係愛情專家，諾懿問佢識女仔時會否先算八字，丞丞師傅笑言：「算乜鬼啫，你同人哋熟先會畀出生日期你，你仲爭個時間，要估晒12個時辰？」丞丞師傅認為緣分天注定，婚姻係要努力經營。
《香港婚後事》最後一集請嚟 李丞責做嘉賓。
丞丞師傅爆太太掌管家中財政大權：「我從來唔理銀行戶口有幾多錢，亦都唔會理老婆點使錢，因為我要相信對方點處理，佢方法可能唔係最好，但係一定會比我好。」

丞丞師傅爆係老婆掌管家中財政大權。

夫婦年齡相差18載，丞丞師傅話：「我可能真係會走先，我走先係帶畀佢好多痛苦，所以我要喺呢段時間，首先補償佢呢個痛苦。」丞丞師傅又教大家睇相看性格，佢話眼大者通常感情用事，眼細者則比較理性，眼睛唔大唔細者就係理智同感性兼備，師傅仲教大家點樣憑眉毛一眼睇出「花心蘿蔔」。
丞丞師傅話自己可能會先老婆走一步。
子溢同諾懿又齊齊自認唔係浪漫嘅人，諾懿自揭唔浪漫求婚經歷：「我係拍醒佢（太太）求婚，我話師傅話要結婚，唔結就要等三年。之後我訂咗山頂間餐廳求婚，雖然佢又知我又知，但求婚戒指個盒喺褲袋度凸晒出嚟真係好唔掂，老婆都話真係好唔浪漫！」諾懿續指自己喺大婚當日差啲整唔見婚戒，仲嚇到爆粗：「結婚嗰晚擺完酒，我已經（醉到）唔知戒指去咗邊！好彩有兄弟知道我係咁，所以一早幫我袋好咗！」兩人又喺節目中揭露唔戴婚戒真相。

《香港婚後事》最後一集 今晚 22:30 翡翠台 
子溢同諾懿都話自己唔係浪漫嘅人。黎諾懿同羅子溢喺節目中揭露唔戴婚戒真相。黎諾懿同羅子溢喺節目中揭露唔戴婚戒真相。