郭富城八月再踏紅館開騷 預告打造極夢幻機動舞台

舞台王者郭富城每次開騷都為觀眾帶嚟視覺聽覺極佳享受，城城今日（24號）喺社交平台宣布，相隔8年再重踏紅館：「我8月在紅館舉行全新的演唱會了！」繼續打造夢幻而機動嘅多元舞台，希望帶畀大家超乎想像嘅觀賞體驗。
城城將於8月喺紅館開騷。
佢又講到好鍾意今次演唱會海報嘅飛躍感，分別名為「飛揚篇」同「凝望篇」。至於箇中故事，就留待6月發佈會，再同大家分享。城城亦透露已經同團隊積極籌備，為演唱會作最精緻嘅編排同努力排練，期待紅館8月之約。

城城話會打造一個機動舞台。