林奕匡喜與姜大衞合作 拍攝MV弄至渾身瘀傷

啱啱完成個人音樂會嘅Phil林奕匡，搵嚟黃偉文為佢作曲嘅個人新歌《波希米亞（沒有）狂想曲》填詞，成為佢出道以嚟首次獨唱Wyman作品。Phil 提到錄音初期，Wyman為佢提供感情投射嘅入口：「Wyman話『阿 Phil 你幻想如果呢個世界無咗音樂會點』去唱呢隻歌。」
Phil 今次搵嚟姜大衞同 小演員 何珀廉 演出新歌MV。Phil 今次搵嚟姜大衞同 小演員 何珀廉 演出新歌MV。
新歌MV請咗出爐《金像獎》「最佳男配角」姜大衞以及小演員何珀廉參演，分別飾演Phil嘅老年同少年時期。John哥話今次係佢從演拍嘅首個 MV，Phil大讚John哥嘅專業：「John哥拍攝時會睇住我點拎起本書、手點擺，跟到一模一樣！」
John哥係首次演出MV。
Phil喺MV中為藝術犧牲慘受「皮肉之苦」，僅穿低胸白襯衫嘅佢要被其他演員接連不斷地投擲「漆蛋」。除咗搞到全身油漆外，拍攝後仲發現被扔至渾身瘀傷，Phil話痛楚並非最大困難：「百隻蛋飛埋嚟一定會想閃避，但係盡量都保持『Poker Face』真係有啲難度。」好彩Phil付出同堅持，先有現時MV中令人深刻一幕。
Phil喺MV中為藝術犧牲慘受「皮肉之苦」。Phil拍完返到屋企發現自己被扔到成身瘀傷。