警聲百二秒II｜冼靖峰自薦做廚藝小助手 獲李家鼎加持兼讚有演技

鼎爺 李家鼎 同 冼靖峰Archie 一齊拍攝《警聲百二秒II》，鼎爺以一身神探look上陣，威風凜凜嘅氣場令Archie有啲嚇窒，佢坦承面對大前輩有壓力，此時鼎爺就講笑話：「唔使客氣，係老前輩嚟﹗」節目中兩人雖然冇正面合作，但私底下Archie係鼎爺嘅Fans，一直有睇佢主持嘅《鼎爺廚房》，仲自薦想上鼎爺嘅飲食節目做小助手，因為自己都好為食，鼎爺見Archie誠意十足，二話不說就話一定得。

Archie近日喺劇集《神耆小子》中嘅演繹獲得好評，原來鼎爺都有煲劇留意到，更Archie嘅表現有讚不絕口，覺得現今新一代好叻，仲特別留意到Archie同羅毓儀(Yuki)嘅一段感情線，笑指Archie喺劇中有憐憫之心先愛上對方，不經不覺被入侵。而Archie則表示為劇集付出很多努力，感謝鼎爺鼓勵及捧場。

喺《警》節目中鼎爺同Archie會警惕巿民唔好咁容易受騙，鼎爺更分享防騙心得，呼籲最重要切勿貪心，而Archie則分享幾年前曾經遇電騙情況。