周殷廷現身街頭文化節任嘉賓 執導首部電影將開拍狂賣關子

一直為歌手之路奮鬥嘅 周殷廷 ，近日完成兩場處男個唱，獲唔少歌迷同好友支持嘅佢，呢日又現身銅鑼灣「流行共響節」(Urban Jam Festival)活動。作為活動表演嘉賓嘅佢，又喺現場為參觀嘅朋友接連獻唱《三生有幸》、《Louder》同《Killa》，令街頭氣氛更加熾熱。YT仲同歌迷近距離接觸，又送心心又揮手，最後仲特別Encore清唱《自我催眠》。

YT呢日現身鬧市演出，吸引大批歌迷圍觀

呢次活動以街頭流行文化為主題，YT就大讚氣氛一流，又話活動聚集咗唔同文化元素，更加指自己平日經常到Barbershop「飛髮」，身爲電單車愛好者仲非常欣賞古董車文化咁話。

佢仲話自己對潮流文化都有唔少研究

而YT就現場承諾「好快會同大家再見」。而佢即將會開拍首部執導電影《雨夜之徒》，仲自爆會同時參與兩套電影，不過一問到演出名單，佢就大賣關子喇。
佢首次執導演筒嘅電影即將會開拍