曾寶儀坦認黃子佼新聞影響工作 新戲演員爆不倫戀未知影響

曾寶儀 呢日現身台北一個汽車活動，難免會被問及佢原定4月時主持韓國大美人 孫藝珍 訪問台灣嘅記者會，不過外傳因為 黃子佼 嘅原因而慘失機會。呢日寶儀亦正面大方回應確實係因為相關原因，同主辦單位討論後決定退任主持，避免傳媒錯焦點咁話。

佢又話唔擔心會有其他工作因為相同原因而出事，而舊愛接連爆出大新聞，佢就未置可否喇。呢頭解決一單，可惜佢監製嘅新戲又有另一火頭，當中演員 朱軒洋 同 吳卓源 就爆出一段不倫戀，暫時仲未知8月宣傳會唔會有特別影響呀。