劉倩婷謙稱口才未夠好 老公李承責做軍師教路

港姐冠軍劉倩婷(Sandy)一直家庭、事業兩兼顧，加上一直致力參與公益事務，呢日佢出席企業獎啟動禮時分享個人經驗，並鼓勵更多企業參與慈善事業，雖然平日演講經驗十足，但Sandy就謙虛自己口才唔算好勁，尤其係中文一定遜色於英文，笑指比起老公李承責師傅就相差更遠。

雖然Sandy中文程度有限，但好彩有老公喺背後做幕後軍師，丞丞師傅出名口才好，有佢提點之下，Sandy嘅演講技巧一定越嚟越好，有時Sandy為咗優化講詞同效果想盡善盡美，就會直接請教老公。講到有冇被老公抨擊？Sandy話老公平日工作都係畀意見人，我問得佢都想聽真實意見，絕對唔介意改善，同埋佢都話我OK嘅。