BB性別開估丨連詩雅懷老公前世情人 陳家樂為囡囡取名Camila

陳家樂 同太太 連詩雅 2月24號喺社交平台宣布造人成功後，寵妻嘅家樂每次受訪時講到太太Shiga都幸福到漏，日前受訪時仲差啲唔小心漏口風講咗BB性別。

陳家樂同連詩雅公佈BB性別

一對準父母今日（28號）襯BB第31週，就喺社交平台公佈懷有嘅係BB囡，仲分享埋小龍女嘅英文名叫Camila，已經重3磅半。佢哋亦分享咗期待又緊張嘅心情，同埋三張幸福孕照，身穿白色背心牛仔褲嘅Shiga，喺肚皮上寫上囡囡嘅英文名。

佢哋仲已經為BB改名做Camila

喺帖文最後一句「好快出來和爸爸媽媽見面」，盡現Shiga同家樂好期待仲有唔夠兩個月一家三口見面一刻。

呢對準父母仲非常期待BB面世嘅一刻呀