學神爸媽Get Set Go!丨囝囝袁咕碌氹得徐小鳳開心 袁偉豪夫婦有意再追多胎

30號首播嘅全新育兒真人騷節目《學神爸媽Get Set Go!》搵嚟「學神爸媽」袁偉豪同張寶兒以及「老手爸媽」吳若希同森美齊齊接受連串育兒考驗，阿Ben同Bowie喺湊小朋友方面雖然係新手，但見佢哋喺記招上無論係換片定沖奶都非常熟手，相信平時湊囝囝時一定訓練有數。講到六個月大嘅袁咕碌，Bowie就話囝囝係易湊，瞓覺又易氹，食嘢又合作。

阿Ben日前喺社交平台上載一家三口同徐小鳳嘅合照，相中見到可愛嘅袁咕碌氹得小鳳姐好開心，阿Ben話原本百日宴邀請小鳳姐，但因為有事忙嚟唔到。日前「520」日子加上袁咕碌半歲大，就約小鳳姐食飯見面。

正所謂「養兒一百歲，長憂九十九。」阿Ben同Bowie都有襯呢次拍攝過程向森美同Jinny取經，關於讀書問題，相隔經耐再生多胎，問到佢哋計劃幾耐再生多胎時？阿Ben話「最好三年內，但都係要隨緣。」

《學神爸媽Get Set Go！》5月30號起 星期四、五晚 22:30 翡翠台