網傳蕭亮3月加國病逝 響亮雄壯聲線講足半世紀

曾為翡翠台報幕多年，聲音深刻唔少觀眾腦海中嘅 蕭亮 ，據指3月於加拿大多倫多逝世。生於上海嘅佢上世紀40年代舉行一同移居香港，後於香港華仁書院修畢中學課程後，到柏立基教育學院進修，後曾任小學老師。

到70年代原名盧永華嘅佢轉往香港電台任DJ同節目主持，後來再轉投電視行業，由佢鏗鏘聲線朗讀嘅「無綫電視翡翠台」播出多年。1980年代，百貨公司嘅每周特價品廣告亦由佢擔綱十多年，成為睇電視嘅深刻回憶。《歡樂今宵》另一已故主持 盧大偉 為佢親弟。

90年代初，蕭亮移居加國，繼續於當地電台報幕朗讀唔同故事節目，到2000年回流香港再度加盟TVB﹐演出電視劇《男親女愛》扮演CK令人捧腹，亦參演《洛神》、《絕世好爸》、《智勇新警界》、《西關大少》、《隔世追兇》、《棟篤神探》、《阿旺新傳》、《七號差館》 、兩部《皆大歡喜》等。

其後蕭亮退休定居多倫多，不過近年依然活躍，開設網上頻道蕭亮百藝網，閒話家常與過往故事。