蔡琴香港演唱會圓滿落幕 聲淚傎下感謝歌迷支持

蔡琴 一連兩場嘅香港演唱會圓滿落幕，佢演唱多首經典金曲，令樂迷聽出耳油。蔡琴縱橫樂壇多年，有風光亦有辛酸，尤其係佢雙眼極度懼光，但為咗令觀眾可以清楚見到佢嘅樣，佢都堅持強忍被強光照射嘅不適去演出，而每晚完騷後佢都需要工作人員攙扶落台，另外蔡琴兩雙腳嘅大拇趾，骨頭都已經移位，再加上左腳曾經足踝斷裂過，真係傷上加傷，所以佢唔可以再著高跟鞋上台，不過蔡琴為咗以最美姿態見大家，呢晚佢都改著上小短靴代替。

而一向感性嘅蔡琴，呢兩晚都忍唔住感動落淚，尤其尾場呢晚，佢更聲淚俱下感謝歌迷多年嘅支持，及不離不棄嘅鼓勵，令有動力繼續走落去。