陳嘉慧28歲生日快閃曼谷旅行 享受幸福少奶生活豪租河畔靚景房

陳嘉慧（Erica）去年10月1號與圈外富貴男友Calvin閃婚，今年3月報喜生咗愛女，佢盡量享受幸福少奶生活，今日（30號）係Erica嘅28歲生日，噚晚佢喺IG表示踏入生日一刻正前往機場，仲叫網民估吓佢會去邊！

陳嘉慧去年10月與圈外富貴男友Calvin閃婚。

陳嘉慧出發去曼谷享受生日快閃旅行。

一向係日本通嘅Erica，產後不少人估佢會再去日本呢個生日快閃旅行，原來Erica係出發去曼谷旅行，今早Erica喺IG貼出新影片開估，佢入住嗰個飯店係被譽為當地入住率最高、房價最貴嘅曼谷飯店，片中可見Erica揀咗高級河畔房，房內飽覽泰國「河流之母」昭披耶河嘅景色，而一晚房價連稅約$6460港幣，而佢老公更悉心準備生日氣球、蛋糕及鮮花！
陳嘉慧今年3月報喜生咗愛女！