《溏心風暴》老友記！關菊英精神奕奕與大契開心共聚 「Jo鮑」夏雨在哪兒？

TVB經典劇集《溏心風暴》系列於2007年首播，曾創下高達50點收視，對白金句字字珠璣，令觀眾印象深刻，該劇監製劉家豪嘅愛妻梅小青喺IG分享《溏心風暴》團隊聚會合照，見「大契」李司棋、「舅父波」阮兆祥、「細契」關菊英及周偉利（Willy），未見「Jo鮑」夏雨。

《溏心風暴》團隊日前聚會！

相中見近年曾傳出病重嘅66歲關菊英，呢日精神奕奕跟眾人開心RE-U，佢哋《溏心風暴》團隊曾於2021年相聚，近日再次約出嚟見面敍舊，而今次關菊英同性密友Willy亦再次陪伴現身。

近年曾傳出病重嘅66歲關菊英，呢日精神奕奕跟眾人開心RE-U。關菊英呢日與同性密友Willy再次一齊現身。

關菊英於2007年首次飾演反派「細契」，睇到觀眾好入戲，更因唱劇集主題曲《講不出聲》大受歡迎，同年喺紅館首次舉辦個人演唱會，然後佢喺《溏心風暴之家好月圓》飾演攞婆Sa姨，亦睇到觀眾咬牙切齒，演技出色，而且美貌不遜當年，後來關菊英甚少露面，2019年更一度傳病重，疑多次進出醫院，過住半退休生活，關菊英今年3月打扮得明艷照人出席陳淑芬生日，睇落精神飽滿、容光煥發。

關菊英於2007年首次飾演反派「細契」，之後於《溏心風暴之家好月圓》飾演攞婆Sa姨，同樣睇到觀眾咬牙切齒。

小青姐於社交平台表示感謝「溏心老友記」祝賀及共聚，佢同丈夫家豪哥喺職場中曾與敬業樂業嘅各位合作，感恩大家喺香港電視史上成就美好嘅一頁，更感恩大家友誼長存、常常互相問候，令開心嘅生活更添姿彩，而「Jo鮑」夏雨日前跟阿仔黃奕晨（Dixon）喺溫哥華，所以未有現身呢次聚會。
「Jo鮑」夏雨日前跟阿仔黃奕晨（Dixon）喺溫哥華，所以未有現身呢次聚會。

《溏心風暴》團隊曾於2021年相聚！